Aliu: Jemi të interesuar të hartojmë një buxhet në interes të gjithë qytetarëve

/2L ONLINE/ – Në organizimin e misionit të OSBE-së në Viti është mbajtur një punëtori rreh buxhetimit të përgjegjshëm gjinor në nivel lokal. Në këtë punëtori kanë marrë pjesë Grupi i Grave të Vitisë, përfaqësues të drejtorive të Arsimit, Shëndetësisë, Ekonomisë por edhe përfaqësues të shoqërisë civile.

Zv. Kryetari i Komunës së Vitisë, Hasan Aliu duke folur rreth hartimit ë buxhetit nga Insitucionet Komuanle të Vitisë tha se ata janë të përkushtuar që të hartojnë një buxhet i cili është në interes të gjithë qytetarëve të kësaj komune pa dallime etnike, gjinore, moshës etj.

”Dua të ju siguroj se Qeveria Komunale e Vitisë është e përkushtuar që të gjitha proceset t i çojmë përpara. Në këtë kontekst hynë edhe procesi i hartimit të buxhetit e ku vitin e shkuar kemi mbajtur 15 diskutime publike, nga to një e kemi mbajtur me personat me nëvoja të veçanta, një me gjinin femrore por edhe një me komunitetin pakicë serb ndërsa të tjerat janë mbajtur nëpër lokalitetet e ndryshme të Komunës sonë dhe kjo është bërë me qëllimin më të mirë që të hartohet një buxhet që është në interesin e të gjithëve pa dallime” u shpreh zv. Kryetari Aliu.

Ndërkaq Ulrich Biffar, Drejtor i OSBE-së për Regjionin e Gjilanit tha se komuna e Vitisë është ndër komunat më të mira saj për këtë çështjeve që kanë të bëjnë me gjinin konkretisht me gjinin femrore ku sipas tij një meritë të veçantë për këtë e ka zyrtarja në këtë komunë, Ibadete Hyseni.

Ndërkaq gjatë kësaj punëtorie rreth rëndësisë që ka buxhetimi i përgjegjëshëm gjinor në nivel lokal ka ligjeruar Drillona Emerlllahu, eksperte në këtë fushë e angazhuar nga misioni i OSBE-së. Për ndryshe në këtë takim kanë marrë pjesë Grupi i Grave të Vitisë, përfaqësues të drejtorive të Arsimit, Shëndetësisë, Ekonomisë por edhe përfaqësues të shoqërisë civile. /2L ONLINE/