Aleanca Kuqezi: të ngrihemi në protestë

Më i ashpër ka qenë reagimi i Aleancës Kuq e Zi, e cila i ka bërë thirrje të gjithë shqiptarëve të ngrihen në protestë, duke u mbledhur kështu në Zvicër dhe Bruksel. Sipas AK-së, presidenti i UEFA-s, Michel Platini “është avokat i shtetit serb”. “MiShel Platini, avokat i shtetit serb. Qeveria serbe loboi më shumë se e Shqipërisë. Serbia i garantoi 8 vota Platinisë për mandatin e 2015. Qeveria shqiptare i braktisi heronjtë kuq e zi,” – citohet në reagimin e Aleancës Kuq e Zi. Sipas AK-së, vendimi i UEFA-s është ndëshkim politik antishqiptar: “Fitorja e Serbisë, poshtërim kombëtar nga UEFA. FSHF, përgjegjëse për votën “pro” MiShel Platini. Shqipëria të tërhiqet nga eliminatorEt. Tërheqja do rivendosë dinjitetin e kombit shqiptar. Tërheqja si protestë kundër anti-shqiptarizmit,” – thuhet më tej në reagimin e AK-së.