Alban Hyseni merr pjesë në ekspozitën e Dion Zeqirit si dhe viziton kreatoren Agona Zeneli

Në kuadër të aktiviteteve ditore, Alban Hyseni, kreu i komunës së Gjilanit njëherësh kandidat i Vetëvendosjes edhe për një mandat  në krye të Gjilanit merr pjesë në ekspozitën e Dion Zeqirit si dhe viziton kreatoren Agona Zeneli.

Hyseni ka vizituar Galerinë e Arteve ku pati kënaqësinë të marr pjesë në hapjen e ekspozitës personale “Staring into the Distance” të autorit Dion Zeqiri.

“Së bashku me Zëvendësministren znj. Liza Gashi dhe kuratoren, znj. Elira Duro, ndanë një përjetim të veçantë artistik që i jep gjallëri kulturës sonë. Jemi krenarë që Gjilani po bëhet gjithnjë e më shumë hapësirë e artit, e krijimtarisë dhe e ideve që shohin përtej horizontit, thotë Hyseni.

Përndryshe, ai bashkë me nënkryetaren e Kuvendit dhe kryetaren e GVV-së Albulena Haxhiu si dhe kandidatet për Asamble, kanë vizituar kreatoren tonë gjilanase Agona Zeneli, e cila mbanë një sallon me fustane të kuruara nga vet ajo.

“Agona është edhe përfituese e një granti nga Komuna jonë, nëpërmjet së cilit ajo është pajisur me makineri të re që ka ndihmuar shtimin e kapacitetit si dhe zgjerimin e sallonit të saj.  Përkrahja për gratë ndërmarrëse do të vazhdojë edhe gjatë mandatit tonë të dytë”, ka thënë Alban Hyseni, kandidat i Vetëvendosjes për kryetar komune.