Alban Hyseni: Kodra e Dëshmorëve konfirmon mbështetjen për Lëvizjen Vetëvendosje!

“Përkrahja e mbështetja e vazhdueshme që po e ndjejmë çdo ditë, na e rrit vullnetin e dëshirën që të rikthehemi në çdo copëz të qytetit, e të ritheksojmë nevojën për ndryshim. Kodra e Dëshmorëve, na shfaqi edhe njëherë interesin për programin tonë qeverisës e planin që e kemi për të ardhmen e Gjilanit, të cilin patëm kënaqësinë ta diskutojmë me banorët e lagjes dhe me Kryetarin e Kuvendit të Kosovës, z. Glauk Konjufca”, ka bërë me dije Alban Hyseni, kandidati i Vetëvendosjes, për kryetar të komunës së Gjilanit, në garën e e balotazhit të 14 nëntorit.

“E reja po e tejkalon të vjetrën, e reja bëhet faktorizues i së ardhmes. E reja është e thjeshtë, e drejtë, parimore e në interes të Gjilanit. E reja, jeni ju. Ne e kemi për detyrë, vetëm ta përcjellim në qeverisjen lokale, e të sigurohemi që çdo vendim që e marrim së bashku, të zbatohet. Nuk ka më ndërprerje të proceseve të ndërmarra, nuk ka gjë që e ndalon ndryshimin që po vjen”, ka bërë me dije, Hyseni. /2LONLINE.com/