Alban Hyseni: Katër vite qeverisje, shumë sfida por edhe shumë suksese!

“Katër vite qeverisje, shumë sfida por edhe shumë suksese. Në mbledhjen e fundit të bordit kemi rikapituluar punët dhe projektet e realizuara, të cilat kapin vlerën mbi 45 milionë euro projekte në zbatim”, ka thënë Alban Hyseni, kryetari i Komunës së Gjilanit.

Me këtë rast, ai i ka përmendur: Rrjeti i ujësjellësit – projekti FLOWS – 15 milion euro, Stadiumi i Qytetit – 13 milion euro, Banimi i përballueshëm dhe social – 4.5 milion euro, Arsimi – 3.3 milion euro në Shkollën e Mjekësisë dhe mbi 3 milion euro në çerdhe të reja, Bujqësia – mbi 2.8 milion euro investime (2022–2024) dhe dhjetëra përfitues, Renovimi i palestrës së sportit – 2.8 milion euro, Qëndrimi ditor për të moshuar, kuzhina humanitare dhe bujtina për studentë – 2.5 milion euro, Rruga Hamdi Kurteshi – 2.4 milion euro, Shëndetësia & Mirëqenia Sociale – mbi 2 milion euro në ndërtime, pajisje dhe shërbime të reja

“Dhe krejt në fund të mandatit kemi nisur me projektin më kapital në historinë e komunës sonë, “Bulevardi i Qytetit”, me vlerë 18 milion euro, që ndryshon tërësisht pamjen e qytetit”, ka thënë kryetari Hyseni.

I pari i Komunës, që synon këtë post edhe në zgjedhjet lokale të e 12 tetorit, ka thënë se këto investime madhore, bashkë me qasjen e re në qeverisje, kanë transformuar qytetin tonë.

“Jam krenar për çdo hap të bërë dhe për besimin e qytetarëve në këtë rrugëtim”, ka thënë Alban Hyseni, kryetari i Komunës së Gjilanit.  /2LONLINE/