Alban Hyseni: Bashkë do ta vazhdojmë zhvillimin e qytetit tonë
Kryetari aktual i komunës së Gjilanit, Alban Hyseni, që si kandidat i Lëvizjes Vetëvendosje kërkon edhe një mandat në zgjedhjet e 12 tetorit, ka realizuar sot takimet ditore, ku fillimisht ka takuar disa biznesmen, por edhe shefen e Repartit të Transfuzionit të Gjakut në Spitalin e Gjilanit.
Hyseni ka takuar disa prej biznesmenëve më të suksesshëm të Gjilanit, që ndikojnë shumë në shtimin e vendeve të reja të punës dhe në zhvillim ekonomik.
“BASHKË do ta vazhdojmë zhvillimin e qytetit tonë”, ka thënë Hyseni pas këtij takimi.
Përndryshe, Ai sot ka ka takuar edhe dr. Esma Mustafa, shefe e Repartit të Transfuzionit të Gjakut në Spitalin Rajonal të Gjilanit.
“Diskutuam mbi sfidat dhe nevojat e këtij reparti me rëndësi jetike. Në mandatin e ri, shëndetësia do të vazhdojë të mbetet prioritet, me mbështetje të veçantë për sektorët që shpëtojnë jetë çdo ditë.”, ka thënë Alban Hyseni.
105