Aktivitetet zgjedhore vazhdojnë me vizita bizneseve të ndryshme

Aktivitetet zgjedhore vazhdojnë me vizita bizneseve të ndryshme

/Arbër Ismajli, kandidati i LDK-së për kryetar të Komunës së Gjilanit/

***

Kaluam një ditë fantastike në Livoç të Ulët, duke vizituar biznesin e Xhavit Shkodrës për prodhimin e kërpudhave “Green Group-Kosova”.

Ishte një mundësi e shkëlqyer të shikonim nga afër punën dhe pasionin që ai ka vendosur në këtë projekt.

Bashkë me të dhe me kandidatët tanë për Asamble Komunale, Sami Ahmeti dhe Burim Elezi, biseduam për sfidat dhe mundësitë që ofron kjo industri, dhe si mund ta mbështesim më shumë biznesin lokal në qeverisjen e ardhshme.

Faleminderit, Xhavit Shkodra, për mikpritjen dhe për ndarjen e përvojës tuaj biznesore.

Bashkë do të jemi në ditë të mira, e në ditë të bekuara për zhvillimin e ekonomisë së qytetit tonë!

***

Pata kënaqësinë të vizitoj kompaninë “AG-GLASS Sh.P.K.”, e cila me punën e saj ka sjellë inovacion dhe cilësi në qytetin tonë.

Ajo që e bën këtë ndërmarrje të veçantë është xhamprerësja moderne, pajisje e teknologjisë së fundit, që e vendos këtë kompani në nivelin më të lartë të prodhimit dhe përpunimit të xhamit në nivel Republike.

Me këtë investim, “AG-GLASS”, ka ngritur standardin e punës, dhe është shndërruar në veprimtari të suksesit të bizneseve tona vendore.

Kjo është dëshmia më e mirë se me guxim, dije dhe vizion mund të ndërtohen kompani që i bëjnë nder Gjilanit dhe tërë Kosovës.

Një falënderim i madh për drejtuesit dhe gjithë punëtorët e kësaj kompanie për mikpritjen dhe përkushtimin.

Ata na dëshmuan se puna e ndershme dhe besimi në të ardhmen janë çelësi i suksesit.

Zotohemi që do të jemi bashkë me bizneset vendore dhe do t’i jetësojmë mundësitë e tyre potenciale të zhvillimit.