Aktivitete të shumta për nderë të 26-vjetorit të çlirimit

Me rastin e Ditës së Çlirimit, Drejtoria për Kulturë, Rini dhe Sport e Komunës së Kamenicës, ka organizuar aktivitete të shumta.

Në këto aktivitete morën pjesë Drejtori Behar Hyseni, zyrtarë nga kjo drejtori dhe qytetarë.

Aktivitetet filluan me performancën mbresëlënëse nga artistet Hysnije Latifaj, Elona Sadiku, Ernesa Surdulli, të cilat u duartrokiten gjatë nga të pranishmit.

Më pas u mbajt ekspozitë me fotografi të vitit 1999, në të cilat u pasqyrua realiteti i luftës dhe i çlirimit.

Kurse aktiviteti i radhës ishte shfaqja “Ekranet rreth nesh” nga shkolla e baletit.

Kujtojmë që mbyllja e manifestimit të qershorit do të bëhet sonte në orën 20:00, me koncertin në sheshin “Metush Krasniqi”. /2LONLINE/