Akt vandal: Dëmtohet një pjesë e ndriçimit publik përskaj lumit në Viti

Komuna e Vitisë reagon ndaj akteve vandale në Viti, kësaj radhe nga personat e panjohur kanë dëmtuar një pjesë e konsiderueshme e ndriçimit publik për skaj të lumit në qytetin e Vitisë.

Serish persona të papërgjegjshëm kanë shkaktuar akte vandal mbi pasurinë e përbashkët komunal, konkretisht në qytetin e Vitisë, në pjesën përskaj lumit “Morava e Binçës” janë thyer dhe dëmtuar një pjesë e konsiderueshme e ndriçimit publik.

Me këtë rast Komuna e Vitisë, shpreh indinjatën e thellë ndaj këtij akti vandal dhe ta papranueshme.

Fatkeqësisht edhe më parë komuna e Vitisë, ka qenë cak i akteve të tilla vandale nga njerëz që nuk ja duan të mirën e zhvillimit komunës sonë sikurse në rastin kur është bërë përdhosja e flamujve kombëtar në varrezat e dëshmorëve në Viti, dëmtimi i qëllimshëm i stadiumit të qytetit dhe gjeste të tjera të ulëta dhe të papranueshme në veçanti në pasurinë e përbashkët që ndërtohet me parat e taksapaguesve tanë.

Prandaj ju bëjmë thirrje çdo qytetari që ka informacione mbi rastet të tilla të njoftojë komunën e Vitisë apo Policinë e Kosovës me qëllim që të marrin masa dhe të identifikojnë keqbërësit.

“Komuna e Vitisë mbetet e përkushtuar për ta mbrojtur pasurinë tonë të përbashkët dhe për këtë kërkojmë bashkëpunimin e qytetarëve tanë”, thuhetn  ëreagimin e komunës. /2LONLINE.com/