“Aksioni i sotëm i Vetëvendosjes një tentim për rrënimin e shtetit”

/2L ONLINE/ – Kreu i Komunës së Gjilanit Lutfi Haziri, në një postim në profilin e tij n ëfacebook, ka thënë ndër tjerash se Aksioni i sotëm i Vetëvendosjes për rrënimin e shtëpisë së kryeministrit Mustafa në Prapashticë është tentim për rrënim të shtetit, i cili nuk do të ndodhë.

Ja postimi i plotë i Hazirit

Aksioni i sotëm i Vetëvendosjes për rrënimin e shtëpisë së kryeministrit Mustafa në Prapashticë është tentim për rrënim të shtetit, i cili nuk do të ndodhë. Ky aksion ma kujton tentimin për rrënimin e shtëpisë sime në Gjilan nga ana e tyre gjatë negociatave të Vjenës, ma kujton ’listën e zezë’ të tyre në bisedimet e asaj kohe përfshirë edhe emrin tim dhe atë të Fatmir Sejdiut, Hashim Thaçit e Veton Surroit, derisa këtë të fundit sot e kanë ba babë! Në emër të Zotit dhe Atdheut, nuk ka kompromis për ndarjen e brendshme të Kosovës, as krijim të territoreve të brendshme për ndarje, e as kompetenca ekzekutive për Asociacionin. I uroj shumë të mira e shëndet delegacionit të Kosovës. E di që janë bisedime të vështira, por nuk guxojnë të lëshojnë pe. Kosova është unike dhe e pandashme, me të drejt bashkimi me Shqipninë!
Lut Emrush Haziri – nipi i Hetem Hazirit (i dekoruar me ”Shqiponjën e Artë të Lirisë” nga Presidenti i Shqipërisë), në mbrojtje të atdheut në emer të Zotit dhe Shtetit!