Aksion për pastrimin e mbeturinave në Drobesh

Kryetari i Komunës së Vitisë, Sokol Haliti, së bashku me drejtorin e Shërbimeve Publike, Arton Musliu dhe zyrtarë të tjerë komunalë, kanë marrë pjesë në një aksion për largimin e mbeturinave, në bashkëpunim me kompaninë “Eco-Higjiena”.

Aksioni i radhës për pastrimin e mjedisit është zhvilluar në fshatin Drobesh, konkretisht në rrugën që çon për në Sllatinë të Poshtme, ku është intervenuar për largimin e mbeturinave dhe përmirësimin e kushteve mjedisore.

Nga Komuna e Vitisë bëhet e ditur se aksione të tilla do të vazhdojnë edhe në zona të tjera, me qëllim rritjen e vetëdijes qytetare dhe mbajtjen e ambientit të pastër.

“Kujdesi ndaj natyrës dhe ruajtja e një ambienti të pastër mbeten ndër prioritetet kryesore të qeverisjes lokale në Viti”, thonë zyrtarët komunal. /2LONLINE/