Aksidente në Rrugën e Kombit

Një aksident automobilistik ka ndodhur në orët e vona të natës së mbrëmshme, në segmentin rrugor Morin-Kukës, në vendin e quajtur Fushorja e Uzinës. Për pasojë kanë mbetur të lënduar dy shtetas nga Kosova, bashkëshortë, të cilët po udhëtonin me automjetin e tyre i cili ishte përplasur me një automjet tjetër të tipit kamionet.

Ky i fundit po udhëtonte nga Kosova në drejtim të Shqipërisë, ndërkohë, qifti udhëtonte drejt Kosovës. Dy personat e lënduar kanë marrë ndihmën e parë në spitalin e Kukësit, ndërsa më pas janë trajtuar në Prizren, transmeton RTK.

Mjeku kujdestarë Sadri Hulaj raporton se dy bashkëshortët janë jashtë rrezikut për jetë. Po mbrëmë në spitalin e Prizrenit, kanë kërkuar ndihmë edhe 9-të persona të tjerë të lënduar në aksident komunikacioni, 6-të nga Podujeva dhe 3 nga Prishtina.

Edhe këta po udhëtonin drejt Shqipërisë për pushime, pohon Hulaj , ndërsa thotë se asnjëri prej tyre nuk është në rrezik për jetë. Në këto ditë të fundit të sezonit turistik në Shqipëri, ka një shtim të aksidenteve rrugore.

Policia e dy vendeve apelon tek të gjithë pjesmarrësit në komunikacion për zbatim të rregullave të qarkullimit rrugorë me qëllim që shmangen aksidentet, të ruhet jeta e gjithë udhëtarëve.

http://www.rtklive.com/?id=2&r=1699