Aksident në hyrje të Bujanocit

Në aksidentin e komunikacionit i cili ndodhi sot disa minuta pas orës 10h një person është i lënduar përderisa tre vetura kanë pësuar dëme.Aksidenti ka ndodhur në hyrje të Bujanocit nga drejtimi i fshatit Tërnoc, me çrast vetur VW Golf, Ford dhe Peugeot janë të përfshira në këtë aksident, transmeton Titulli.

Nga kjo ndeshje ka pësuar një pasagjere në veturën Ford (Taxi) e cila më pas është bartur me ndihmë të parë për mjekim, mirëpo siç mësohet është jashtë rrezikut.

Dëmet më të mëdha i ka marrë vetura VW Golf me targa të Bujanocit e cila nga pas ka goditur makinën Peugeot me targa të Zvicrës si dhe nga pjesa e përparme Ford-in me targa të Bujanocit që kryente veprimtarin e taksistit në relacionin Bujanoc-Tërnoc dhe anasjelltas.

Në vendin e ngjarjes nga momenti i aksidentit ka dalë policia e komunikacionit, përderisa palët e përfshira në këtë aksident rrugor përreth dy orë qëndruan në vendin e ngjarjes duke biseduar për të gjetur një marrëveshje mbi mbulimin e dëmeve të shkaktuara.

Vlen theksuar se në këtë vend janë të shpeshta aksidentet, rastin më të freskët e kemi para një viti kur një i ri nga Tërnoci humbi jetën si pasojë e ndeshjes së motoçikletës me një veturë.

http://www.titulli.com/index.php?m=post&s=2081