Akademi përkujtimore për 10-vjetorin e vdekjes së luftëtarit të UÇK-së, pilotit Besnik Osmani

/2L ONLINE/ – Në dhjetë vjetorin e vdekjes së luftëtarit të UÇK-së, pilotit, Besnik Osmani, sot në Komunën e Kamenicës do të mbahet Akademi Përkujtimore kushtuar veprës, personalitetit, ndritshmërisë dhe angazhimit të tij të palodhshëm për çlirimin e Kosovës.

Homazhet dhe vendosja e luleve dhe kurorave pranë varrit të Besnikut fillon prej orës 14:00, në varrezat e qytetit në lagjen “Malësia” në Kamenicë. Ndërsa, Akademia mbahet në Shtëpinë e Kulturës “Isa Kastrati” në Kamenicë, dhe fillon në ora 15:00. /2L ONLINE/