AIDS në vitin 2030 sëmundje e shërueshme

Numri i njerëzve që vdesin nga AIDS ka rënë në shkallën më të ulët. Shkencëtarët tregojnë se për 15 vjet mund ta ndalin vdekjen e njerëzve nga kjo sëmundje.

Vdekjet në të gjithë botën nga AIDS kanë rënë për një të tretën. Kjo tregon se janë duke u rritur shpresat për ta mposhtur sëmundjen vrasëse të shumë njerëzve , thuhet në një raport të Kombeve të Bashkuara. Vdekjet nga AIDS në mbarë botën kanë rënë në 1.5 milion, ndryshe nga viti i kaluar që ka qenë 1.7 milion. Këto janë rënie të mprehta vjetore me 35 për qind ndryshe nga vitet 2004-2005 ku ka pasur 2.4 milionë vdekje nga sëmundja.

“Nëse ne jemi të shkathët deri në vitin 2020 do të jemi në rrugën e duhur për t’i dhënë fund epidemisë deri në vitin 2030. Ne kemi një mundësi të brishtë, dhe duhet të bëjmë punë të pandalshme për ta parandaluar vdekjen e brezave të rinj nga epidemia. Beteja duhet të përqendrohet në 15 vendet ku infeksioni është më i përhapur, thotë UNAIDS. Nëntë prej tyre janë në Afrikë: Kameruni, Kenia , Mozambiku, Nigeria, Afrika e Jugut, Tanzania, Uganda, Zambia dhe Zimbabve. Në qendër të vëmendjes janë edhe Brazili, Kina, India, Indonezia, Rusia dhe Shtetet e Bashkuara.