Ai që synon për herë të parë ulëse në Kuvendin Komunal është edhe Refik Ramadani

Në zgjedhjet lokale që pritet të mbahen më 12 tetor të këtij viti, nëpër listat e subjekteve politike ka edhe kandidatura që synojnë për herë të parë të marrin besimin qytetar për të qenë pjesë e Kuvendit komunal.

Një emër i njohur, në fushën e arsimit, biznesit e jetës publike është edhe ai i Refik Ramadanit, që ka konfirmuar se është kandidat për Kuvendin Komunal në Gjilan nga lista e Partisë Demokratike të Kosovës (PDK).

Ai tha se ky hap është obligim moral dhe profesional për të kontribuar në zhvillimin e qytetit.

“Me përkushtim, sinqeritet dhe dashuri për Gjilanin, jam gati të jap maksimumin tim për të mirën e qytetarëve dhe komunës sonë,” u shpreh Ramadani, duke theksuar se prioritetet e tij do të jenë zhvillimi ekonomik dhe përmirësimi i arsimit.

Ai u bëri thirrje qytetarëve që ta mbështesin, duke e parë bashkëpunimin dhe besimin e tyre si çelës për një të ardhme më të mirë për Gjilanin.  /2LONLINE/