Ai duhet të shkojë në shtëpi!

Shkruan: Izmi Zeka

Të lexosh atë që ka shkruar akademik Kraja mjafton ta shohësh se deri ku ka arritur niveli i shpëlarjes së trurit dhe jo vetëm kaq, por edhe mentaliteti i robit historik.

Por për të ruajtur shtetësinë e Kosovës dhe historinë e saj, pamflete të tilla duhet të dënohen edhe nga institucionet tona kredibile e shtetërore.

Ky rast duhet të shikohet jo si rast i izoluar, as që prek interesat individuale, por që shtrembëron historinë e Kosovës dhe luftën çlirimtare.

Nuk do të ndalem në faqen e 35 të akademik Krajës, por Shoqatat e Luftës duhet të përdorin çdo mjet institucional për të larguar akademik Mehmet Krajën i cili ka bërë dëme të jashtëzakonshme të historisë sonë të lavdishme të fund shekullit XX.

Interes vital është që sa më parë ky njeri të largohet nga Akademia e Shkencës së Arteve të Kosovës.

Nuk duhet të lejohet që ky pamflet politik i cili shtrembëron historinë tonë të mbetet vetëm ne kuadër të debateve dhe vlerësimeve tona.

Shoqatat nuk duhet të presin. Kraja duhet të dorëhiqet sa më parë. Edhe pse dëmi është i madh dhe nuk riparohet megjithatë së paku atë që mund të riparohet duhet të bëhet.

Ai duhet të shkojë në shtëpi! /2LONLINE/