Ahmeti: VV nuk sakrifikon më, blloku i di kushtet!
Lëvizja Vetëvendosje ka me mbet e paluhatshme prej qëndrimeve e kërkesave të veta. Nëse blloku e do bashkëqeverisjen me Vetëvendosjen, atëherë duhet me u thanë po kërkesave e kushteve që i ka vu Lëvizja e Kurtit.
Kështu ka thanë në nji intervistë për televizionin Rrokum, Shpend Ahmeti, ish nënkryetari i Vetëvendosjes, njiherit kryetari i komunës së Prishtinës. Ahmeti, tue fol për kambënguljen e Vetëvendosjes me marr timonin e bisedimeve me Serbinë, ka arsyetue këtë qëndrim.
“Nuk mundëmi vetëm t’ulemi dhe të nënshkruejm gjithçka ka na ofrohet, pa u sigurue që Serbia merrë nji pergjegjësi për atë se çka ka ndodhë në vitet e 90, pra kjo asht përgjegjësi politike ligjore dhe financiare.Për këtë arsye ne mendojmë se ne do ishim nji garant i këtyne kushteve sepse e dini ju njana prej dy shtyllave kryesore t’aktivizmit të Lëvizjes Vetëvendosje në vitet e fundit kanë qenë pikërisht kundërshtimi i këtyne negociatave.Prandaj ne nuk ju besojmë subjekteve të tjera politike sepse ato shumë kollaj po i nënshkruejnë dokumentet për t’ardhmen e Kosovës, prandaj ky asht njani prej atyne 5 kushteve por asht i domosdorshëm”, ka thanë kryetari Shpend Ahmeti.
Simbas Ahmetit, Vetëvendosje ka sakrifikue dhe rrezikon me pas ramje në vota qysh kur lëshoj pe dhe nisi negociatat për koalicion me bllokun.
Por, përkrahja e Vetëvendosjes nuk ka me mungue , nëse blloku e krijon Qeverinë, edhe nëse Lëvizja e Kurtit ka me mbetë n’opozitë.
Kjo përkrhaje, thotë Ahmeti ka me u dhanë veç për çashtjet e randësishme dhe me interes nacional.
Por, edhe nëse pranon bashkëqeverisjen, Vetëvendosje, nuk garanton përkrahje absolute.