Ahmet Isufi: Tri shkronjat e arta të UÇK-së që i bëjnë dritë Llashticës e Gjilanit!

Ish-komandanti i Ushtrisë Çlirimtare të Kosovës për Zonën Operative të Karadakut, Ahmet Isufi ka bërë me dije se sot, në Llashticë të Gjilanit, u përuruan tri shkronjat e arta të UÇK-së, si vlerë e lirisë dhe krenarisë kombëtare.

Në prani të qindra banorëve, përfaqësuesve të vlerave të luftës dhe të institucioneve si dhe shumë qytetarëve, u bë përurimi i monumentit që i bën nderë luftës heroike dhe historisë sonë kombëtare.

Isufi ka shprehur respekt i veçantë për Këshillin Organizativ të udhëhequr nga Naser Ibishi, Bedredin Selimi, Azem Hyseni, Eduard Banushi etj, të cilët me angazhim të jashtëzakonshëm arritën ta realizojnë këtë projekt me shkronjat e arta UÇK.

“Lavdi e përjetshme të gjithë atyre që ndër breza u sakrifikuan për lirinë e atdheut. Urime tri shkronjat e arta të UÇK-së që i bëjnë dritë Llashticës e Gjilanit!”, ka thënë Ahmet Isufi, Ish-komandanti i Ushtrisë Çlirimtare të Kosovës për Zonën Operative të Karadakut.  /2LONLINE/