Ahmet Isufi takon çiklistët që realizuan rrugëtimin e tyre të gjatë nga Zvicra në Gjilan

Ahmet Isufi nga Aleanca ka bërë me dije se ka takuar çiklistët e vullnetit e të guximit të jashtëzakonshëm që realizuan rrugëtimin e tyre të gjatë nga Zvicra në Gjilan, Halitin e Shqipen.

Isufi tha se janë gjenerata që me sjellje dhe kulturë autentike shqiptare e mbajnë gjallë ndjenjën për atdheun, por edhe e rrisin imazhin e Kosovës duke qenë të integruar në shoqërinë zvicerane.

Ata, me moton “Go to Kosova”, duke e përshkruar me video tërë marshutën, na ofruan pamje magjike por edhe njohuri të vendeve të ndryshme nga kaluan.

“Nuk soseshin fjalët nga e gjithë eksperienca e kaluar, por ajo që më bëri përshtypje ishte vizita në vendet memoriale, vlerësimi për vlerën e lirisë, për dëshmorët e luftëtarët që mundësuan ardhjen në Kosovë, pa pengesa e duke ndjerë shpirtërisht aromën e atdheut. I përgëzova për elanin dhe kurajon e treguar, shembull edhe për të gjithë ata që duan të ndjekin rrugën drejt atdheut me dy rrota”, ka thënë Ahmet Isufi, nga Aleanca, i cili në zgjedhjet e 7 Qershorit, garon për deputet.