Ahmet Isufi:  Shqiponja e lirisë që paralajmëroi çlirimin e Kosovës

Në përvjetorin e 27-të të çlirimit të Shqiponjës (Jabllanicës), ish-komandanti i Ushtrisë Çlirimtare të Kosovës për Zonën Operative të Karadakut, Ahmet Isufi, ka kujtuar një nga momentet më domethënëse të luftës çlirimtare, duke e cilësuar këtë ngjarje si paralajmërim të frymës së lirisë në tërë Kosovën.

“Në këtë ditë, ndjenja e dhembjes dhe krenarisë bëhen bashkë për ata që ranë për liri, por ndjehet edhe fryma festive sepse këtu armiku u thye me turp nga Ushtria Çlirimtare e Kosovës dhe sakrifica e popullit u shpërblye me liri dhe pavarësi të vendit”, theksoi Ahmet Isufi.

Isufi ka bërë homazhe për të gjithë ata që dhanë jetën për atdhe, duke u shprehur: “Lavdi të gjithë të rënëve për liri të Atdheut!”. /2LONLINE/