Ahmet Isufi: Një entuziazëm dhe gatishmëri vërehet ngado që po shkojmë, për fitore më 28 dhjetor
Kandidati për deputet nga Aleanca për Ardhmërinë e Kosovës (AAK), Ahmet Isufi ka thënë se një entuziazëm dhe gatishmëri vërehet ngado që po shkojnë, për fitore më 28 dhjetor.
Isufi njoftoi për takimin mobilizues në Llabjan.
Deklarata e tij e plotë:
Një entuziazëm dhe gatishmëri vërehet ngado që po shkojmë, për fitore më 28 dhjetor.
Bashkë me kandidaten për deputete të Parlamentit të Kosovës Xhevahire Vllasaliu dhe kryetarin e degës së AAK-së Ajet Avdyli, biseduam me të pranishmit mbi prioritetet e komunës së Artanës dhe nevojat e qytetarëve të kësaj ane.
Me angazhim konkret e praktik e me një përkushtim më të madh, mund të ndryshohet gjendja sepse ata që kanë lënë gjurmë në lirinë, pavarësinë dhe shtetndërtimin e Kosovës, mund t’ia kthejnë perspektivën komunës së resurseve minerale, arkitekturës trashëgimore, turizmit me peisazhet e mrekullueshme natyrore, bujqësisë e ekonomisë dhe mirëqenies së qytetarëve.
Adresa më e saktë për ti kryer këto punë është Aleanca për Ardhmërinë e Kosovës me qeverisjen Haradinaj dhe deputetët e saj përfaqësues.