Ahmet Isufi: Komandant Dulla ishte shembulli më i veçantë se si ideja kthehet në praktikë e realizimi i idealit arrihet kur fjalën e bën vepër

Ish-komandanti i Ushtrisë Çlirimtare të Kosovës për Zonën Operative të Karadakut, Ahmet Isufi ka thënë se me familjarë të dëshmorëve, invalidë e veteranë të UÇK-së, të burgosur politikë, si dhe përfaqësues institucionalë e qytetarë tjerë, nderuan duke vënë buqeta lulesh, për të kujtuar veprimtarinë e tyre patriotike e luftarake, Heroin dhe Komandantin e lavdishëm, Abdullah Tahiri si dhe Dëshmorët e Kombit, Ibrahim Pacolli e Arben Ramadani.

Isufi tha se Heroi i Kombit, Abdullah Tahiri, në çdo etapë të proceseve për liri e pavarësi, ishte në ballë të tyre duke shfaqur bindjet e tij publikisht, por edhe duke u angazhuar praktikisht në themelimin e celulave të para të Ushtrisë Çlirimtare të Kosovës në Zonën Operative të Karadakut.

“Komandant Dulla, ishte shembulli më i veçantë se si ideja kthehet në praktikë e realizimi i idealit arrihet kur fjalën e bën vepër. Tërë angazhimi e përkushtimi i tij, mund të përkufizohet si luftë jetësore për lirinë e atdheut:, ka thënë Ahmet isufi.

Ai shtoi se rrugës së tij të lirisë, u rreshtuan bashkëluftëtarët që ranë në beteja me stemën e UÇK-së, Ibrahim Pacolli e Arben Ramadani që sot i kujtojmë me pietet për luftën e tyre të lavdishme.

“Lavdi Komandantit e Heroit, Abdullah Tahiri. Lavdi Dëshmorëve të Kombit, Ibrahim Pacolli e Arben Ramadani”, ka thënë Ahmet Isufi, Ish-komandanti i Ushtrisë Çlirimtare të Kosovës për Zonën Operative të Karadakut.  /2LONLINE/