Ahmet Isufi: Autostrada e Gjilanit mbetet peng i papërgjegjësisë institucionale

Ahmet Isufi nga Aleanca për Ardhmërinë e Kosovës (AAK), ka thënë se Autostrada e Gjilanit nuk është vetëm projekt rrugor, është edhe lidhje mes shqiptarëve dhe shtyllë e zhvillimit ekonomik për Anamoravën.

“Fatkeqësisht, një projekt që është dashur të përfundojë moti, sot ende mbetet peng i papërgjegjësisë institucionale. Qytetarët e Gjilanit dhe të Anamoravës nuk e meritojnë këtë neglizhencë”, ka thënë Isufi, i cili do të garojë për ulësen e deputetit në zgjedhjet e parakohshme parlamentare në Kosovë që do të mbahen më 7 qershor 2026.

Sipas tij, këto projekte realizohen vetëm nga qeveri serioze, me vizion dhe përgjegjësi, nga njerëz që punojnë, jo që arsyetohen.

“Ne jemi gati me marrë përgjegjësi për zhvillimin e Anamoravës dhe të Kosovës”, ka thënë Ahmet Isufi i AAK-së.  /2LONLINE/