Agron Selimaj emërohet drejtor i AKI-së

Presidentja e Republikës së Kosovës,Atifete Jahjaga dhe Kryeministri i Kosovës, zotëri Isa Mustafa, në bazë të nenit 84 paragrafi 21, nenit 94 paragrafi 8, nenit 129 paragrafi 3 të Republikës së Kosovës dhe nenit 5 paragrafi 3 i Ligjit Nr. 03/L-063 për Agjencinë e Kosovës për Inteligjencë, emëruan zotëri Agron Selimajn drejtor të AKI-së.

Ndryshe dy vite më parë Selimaj ishte zgjedhur në pozitën e Inspektorit të Përgjithshëm në Agjencinë Kosovare të Inteligjencës.

Këtij të fundit i ishte zgjatur mandati me një vendim të presidentes Atifete Jahjaga dhe propozimeve që kanë ardhur nga Qeveria.

Në bazë të ligjit për AKI-në, inspektori i përgjithshëm emërohet brenda 20 ditësh pune, nga dita kur pozita mbetet e lirë. Emërimi i inspektorit të përgjithshëm bëhet së bashku nga kryeministri dhe presidenti i vendit dhe ky vendim duhet të bazohet në integritetin në përputhje ndaj standardeve të sigurisë së AKI-së dhe përvojës në lëmin e sigurisë apo administrimit qeveritar në Kosovë.