AGK thërret për solidarizim me viktimat e sulmit terrorist

Asociacioni i Gazetarëve të Kosovës do të mbajë një aktivitet në shenjë solidarizimi me viktimat e sulmit terrorist në revistën satirike franceze “Charlie Hebdo” në Paris.

Ngjarja mbahet në sheshin “Zahir Pajaziti” në Prishtinë, prej orës 13:00. Ata ftojnë të gjithë gazetarët, përfaqësuesit e medieve dhe qytetarët që t`i bashkëngjiten këtij aksioni.

AGK konsideron se sulmi terrorist ndaj gazetarëve, përveç si akt i shëmuar, është edhe një përpjekje qyqare dhe e dështuar, për ta cenuar lirinë e shprehjes dhe të drejtës për të qenë i informuar.