“Agim Ramadani” n’qendër të Gjilanit, aktivitetet për të vazhdojnë në Zhegër

Portreti me 276 mijë e 138 gëzhoja plumbi i heroit të kombit, komandant Agim Ramadani – KATANA, është vendosur në qendër të Gjilanit.

Ky mozaik u bë nga i riu Besart Gashi, dhe u vendos në Qendër të Gjilanit në ditën e lindjes së heroit.

Kjo zgjoi kërshërinë e gjilanasve të ciltë edhe me rastin e vendosjes së këtij punimi në qendër të Gjilanit u mblodhën dhe qëndruan aty për ta parë nga afër zbulimin e këtij punimi të heroit Agim Ramadani – KATANA.

Përndryshe, në Zhegër të Gjilanit, vendlindjen e heroit, po mbahen aktivitetet të ndryshme në kuadër të Manifestimit Kulturor “Ditët e Agimit”, që i kushtohet nderimit të figurës poliedrike të heroit të kombit, Agim Ramadani-Katana.

Dje me 1 maj, u mbajtën aktivitetet “Edhe me sport kujtojmë Agimin” ku kishim turnir në futboll të vogël dhe “Flakadanët në përkujtim të 114 dëshmorëve të Betejës së Koshares”, ndërsa sot e enjte prej orës 15: 30, do të kemi orën letrare “Muza e Agimit”..