Agim Ramadani, frymëzimi ynë i përditshëm për të punuar me dinjitet për vendin që ai aq shumë e deshi

Kryetari i Komunës së Gjilanit, Alban Hyseni, ka përkujtuar komandantit Agim Ramadani, në 27 vjetorin e rënies heroike.

“Sot u bënë 27 vite nga rënia heroike e komandantit Agim Ramadani. Në këtë përvjetor ne nuk përkujtojmë vetëm një ushtarak të shkëlqyer, por një strateg të jashtëzakonshëm që me intelektin dhe artin e tij i dha një dimension tjetër luftës për liri”, ka thënë Hyseni.

I pari i Gjilanit ka thënë se Agim Ramadani mbetet frymëzimi ynë i përditshëm për të punuar me dinjitet për vendin që ai aq shumë e deshi dhe e projektoi në vargjet e tij.

“Përulemi para veprës së tij dhe të gjithë dëshmorëve të Brigadës 138, të cilët shkruan historinë më të lavdishme të Kosovës moderne. Lavdi e përjetshme”, ka thënë kryetari Hyseni.  /2LONLINE/