Administrata nga sot fillon punën edhe të shtunave

Drejtoria e Administratës së Përgjithshme në Komunën e Gjilanit duke filluar nga sot, do të ofrojë shërbime edhe të shtunave nga ora 10:00 deri në ora 14:00.

“Ky vendim është marrë për t’iu përgjigjur fluksit të shtuar të kërkesave gjatë sezonit veror, si rezultat i ardhjes së bashkatdhetarëve tanë, me qëllim që ata të marrin shërbime sa më të shpejta, më efikase dhe pa vonesa.”, ka thënë Elbasan Shabani, drejtor i Drejtorisë së Administratës së Përgjithshme në Komunën e Gjilanit, transmeton 2LONLINE.

Sipas tij, orari i punës gjatë të shtunave, në periudhën 04.07.2026 – 29.08.2026, do të jetë nga ora 10:00 deri në ora 14:00.  /2LONLINE/