AAK: Mosmarrëveshjet mbani për vete, Kuvendi duhet vepruar pa u ndikuar nga agjenda e telashe brenda partive në koalicion

Aleanca për Ardhmërinë  e Kosovës (AAK), dega në Gjilan ka reaguar për shtyrje të seancës së Kuvendit Komunal të Gjilanit.

Në reagim thuhet se shtyerja e seancës së Kuvendit Komunal në Gjilan për të satën herë, ku do të duhej të raportonte kryetari i Komunës para kuvendarëve për punën 6 mujore të tij, tregon mungesë serioziteti në punë dhe mungesë respekti për institucionin.

Tutje n ëreagim thuhet se problemet e brendshme assesi nuk guxojnë të reflektojnë në institucionet e Komunës.

“I bëjmë thirrje kryesuesit të Kuvendit që sa më parë të thirret seanca, të mos ketë shtyerje në mënyrë që t’i kryejmë detyrat që kemi në raport me qytetarët.  Mosmarrëveshjet mbani për vete, Kuvendi ka punën e vet dhe duhet vepruar pa u ndikuar nga agjenda e telashe brenda partive në koalicion”, thuhet në reagimin e AAK-së së Gjilanit. /2LONLINE/