AAK: Javët dhe muajt e ardhshëm do të jenë të rëndë

AAK përmes një komunikate për media reagoi edhe njëherë kundër koalicionit PDK-LDK. Dy kompani politike kanë ndërtuar konsorciumin oligarkik për përfitime në kurriz të qytetarëve dhe shtetit të Kosovës, si dhe për vazhdimësinë e kapjes së shtetit. Kështu vlerëson koalicionin PDK-LDK, Kryesia e AAK-së pas një mbledhje të mbajtur me kryetarët e degëve të këtij subjekti.

Përmes një komunikate për media ata thonë se koalicioni i lartpërmendur do të synojë fshehjen e krimit, të keqpërdorimeve të mëhershme, të tashme, dhe keqpërdorimeve të ardhshme që planifikojnë.

AAK apelon te qytetarët e Kosovës, shoqëria civile dhe mediat që të mos nënshtrohen asnjëherë ndaj të keqes së pritur.

Thuhet se në këtë mbledhje Kryesia vlerësoi se javët dhe muajt e ardhshëm do të jenë të rëndë për shtetin dhe qytetarët e Kosovës.

Aleanca shprehë bindjen se koalicioni i krijuar ka për synim dëmtimin e demokracisë, vazhdimin e keq-qeverisjes, rritjen e shpenzimeve qeveritare, rritjen e luksit të qeveritarëve dhe varfërimin e qytetarëve të Kosovës.