AAK-ja pasi i bashkohet LDK-së në qeverisje emëron Hanife Jonuzin, drejtoreshë të Shëndetësisë në Viti

AAK-ja pasi i bashkohet LDK-së në qeverisje emëron Hanife Jonuzin, drejtoreshë të Shëndetësisë në Viti

Drejtoria e Shëndetësisë në Viti, tash e tutje do të drejtohet nga një grua.

Ajo është Hanife Jonuzi nga Aleanca për Ardhmërinë e Kosovës (AAK), parti kjo e cila nga dje i është bashkuar Lidhjes Demokratike të Kosovës (LDK), në qeverisjen e komunës e ka marrë për udhëheqje Drejtorinë e Shëndetësisë.

Lajmin për emërimin e Hanife Jonuzit, në krye të këtij dikasteri lokal e ka konfirmuar kryetari i degës së AAK-së, Faruk Nura.

Nura ka thënë se kjo është marrëveshja që kanë arritur me LDK-në dhe i ka uruar suksese Jonuzit në menaxhimin e shëndetësisë në Viti, sidomos tash kur vendi po përballet me pandeminë e coronavirusit.

Drejtoresha e re e Shëndetësisë dhe mirëqenies sociale, Hanife Jonuzi, sot ka marrë detyrën.

Ajo është takuar me drejtoreshën e Qendrës së Mjekësisë Familjare në Viti, Vjollca Kadollin dhe mjeken Xhylsime Qamili.

Ato në takimin e tyre, janë dakorduar që të punojnë dhe të bashkëpunojnë për ngritjen e cilësisë së shërbimeve shëndetësore në këtë komunë.

Hanife Jonuzi, vite më parë ka qenë drejtoreshë e çerdhes publike në Viti.

BURIMI: PlusTV

KOMENTE