AAK: Formimi i Ushtrisë, ditë historike për Kosovën dhe rajonin

Aleanca për Ardhmërinë e Kosovës, dega në Gjilan, e përshëndet vendimin me votë unanime të Kuvendit të Republikës së Kosovës, për Ushtrinë e Kosovës.

Pas shumë përpjekjesh e sakrificash, mundime e procese të rënda e të shumta, po përmbyllet procesi i shtetndërtimit. Sot, Kuvendi i Republikës së Kosovës, si rrallëherë kapërcej çdo ndasi e mospajtim, dhe miratoi pakon ligjore që e bënë FSK-në Ushtri të Kosovës.

Krijimi i Ushtrisë së Kosovës dhe i Ministrisë së Mbrojtjës, është vendim historik për Kosovën, për rajonin, dhe për mekanizmat ndërkombëtar të sigurisë, siç është NATO. Ushtria e Kosovës është faktor stabiliteti në rajon, është garantuese e paqës dhe sigurisë, dhe siguron trajtim të barabartë për të gjitha etnitetet në Kosovë.

Ushtria më e re, nuk është formuar kundër askujt, por është vendim sovran i shtetit.

Vendet e pavaruar dhe sovrane, vendosin për rregullimin e brendshëm shtetëror, andaj ky hap i sotshëm i organit më të lartë shtetëror, Kuvendit, është hap i cili lehtëson dhe ndihmon mekanizmat më të fusqishëm ndërkombëtar të sigurisë, për ruajtjen e paqes në rajon e botë.