Polici shqiptar nga Presheva Rexhep Arifi ka qenë në vëmendjen e medieve botërore për gjestin e tij me një fëmijë refugjat nga Siria. Gazetari i BBC-së Manveen Rana i pari ka publikuar fotografitë e Arifit me një fëmijë sirian në krahët e tij, transmeton Indeksonline.
Gjatë raportimit mediet serbe vazhdimisht janë munduar të fshehin faktin se Rexhep Arifi është shqiptar, duke u munduar ta përvetësojnë aktin e tij individual, dhe sot është mësuar se polici që mbante fëmijën sirian në krah është shqiptar.
Ndërkaq, kushëriri i tij Valon Arifi ka thënë për Tanjug se Rexhep Arifi as që ka qenë i vetëdijshëm se fotografitë e tij po përshkojnë rrjetet sociale dhe mediet botërore.
“Ai ka thënë se akti i tij ishte një veprim njerëzor si dhe detyrë e çdo qenie njerëzore”, ka treguar Valoni.
http://www.indeksonline.net/?FaqeID=2&LajmID=182510