(A) s’jemi psikopatë…?!

/2L ONLINE/ – Jemi dëshmitarë , se saherë flitet për dhunën , mendohet në dhunën seksuale , dhunën ndaj fëmijëve , dhunën në shkolla ndaj nxënësve e personelit…! Nuk ka fare dilemë , se të gjitha këto janë formë e dhunës . Por , që askush nuk ka guxim të flet për dhunën e pushtetarëve ndaj popullit , dhunën politike , ekonomike , sociale ,etj .pa dashur t`a anashkalojmë dhunën që përdoren në shkollat tona , sikur ndaj nxënësve , ashtu edhe ndaj mësimdhënësve .

Vallë , a mjaftojnë vetëm kritikat , apo duhet të shtrohet problemi dhe pyetja ;
– Si dhe pse vie deri te kjo dhunë ?

Nëse një Profesor mbanë pozita të larta qeveritare dhe është i angazhuar në dy , tre e katër fakultete , po i bie që ai gjatë ditës duhet të punoj së paku 18 orë !

– A nuk është përdorim i dhunës një ngarkesë kaq e madhe për Profesor Doktorin , a…?! 
– Nëse popullit i është premtuar vend pune dhe nuk i është realizuar , e nuk pranohet as në bisedë , me pretekst se janë të zënë , a është kjo dhunë…?! 
– Nëse elektoratit i është premtuar përmirësim i gjendjes ekonomiko – sociale , dhe gjendja nuk ka ndryshuar fare , c`është kjo , pos dhunës ,…?!

Nxënësit janë kategoria më fatkeqe që i nënshtrohet dhunës , ose ushtron dhunë , çoftë mes vete , çoftë ndaj mësimdhënësve , që nuk janë të rralla ! Por , shkollat mbajnë evidencë të prejardhjes së nxënësve , andaj të gjitha sondazhet tregojnë , se fëmijët “e gjallë” ( të mos e përdorim termin problematikë) , vijnë nga këto familje që u përmendën,… Dhe s`do mend , se dardha pikon nën dardhë ! Por , sa ndodh ky hulumtim nga institucionet qeveritare…? ! Mos hulumtimi i prejardhjes së këtyre të këqijave , sjellin edhe pasojat me të cilat “po merret” shoqëria jonë në çdo segment të jetës …!

Prandaj , shtrohet pyetja : vallë , a mos këta mësimdhënës janë produkt i ministrit të arsimit apo kolegëve të tij universitar , sepse nuk kanë pasur kohë (mungesa nëpër ligjërata mbajtja e tyre nga asistent , apo studenti më i mirë) për t`i edukuar aq sa duhet ish studentët e tij tash mësimdhënës , “psikopatë”.

Mos ka ardhur nga sistemi arsimor ku nga pamja e jashtme është shkollë ndërsa brenda të jep përshtypjen e ndonjë qendre shëndetësore , sociale apo korrektuese , sepse aty ka nxënës që nuk e kanë vendin në shkollë , por në këto qendra apo edhe në burg . 

– Apo , mos është nga mungesa edukatës në familje dhe shoqerisë në përgjithësi.

“Tregon fëmija , çka ka shpija” , thotë një proverb popullor yni , zoti ministër ,… Skenat që shohin në tv. apo internet nxënësit , fjalori që përdoret , s`do mend se përcillet edhe në shkollat tona ! Duke gjykuar dhunën kudo që ndodh , e në veçanti atë në shkolla të Kosovës , shtroj pyetjen : Vallë , a është përdorur dhuna edhe më herët…?! Sigurisht se po ! Por , nuk janë evidentuar , nuk janë zhvilluar afera dhe njerëzit janë rrezikuar me largim nga puna !

Prej këtyre që i përmenda faktori kryesor i dhunës fizike dhe psiqike tek gjitha palët është sistemi arsimor ,edukata , legjislacioni jo i përshtatshëm , ku ne jemi të detyruar t`i mbajmë nëpër shkolla . Para dy –tre ditëve një koleg duke folur për problemet në sistemin arsimor , trajnimet dhe metodologjitë e reja , nga shtete të ndryshme , tash konkretisht nga GIZ-i Gjerman tha : 
– Këta po mendojnë që bananja rritet në Kosovë ! Jo , o zotëri nuk rritet…!

E lidha me atë , që sistemi i ndonjë vendi evropian , nuk na përshtatet dhe pikërisht kjo mospërshtatje ka sjellur deri tek kjo gjendje , pra dhune fizike-psiqike e ndersjellë mësimdhënës –nxënës .

E thash këtë sepse nëpër shkolla të Kosovës , ka mjaft raste kur nxënësit dhunojnë mësimdhënësit fizikisht , se për dhunë psiqike , atë e kemi ditë për ditë. Është për keqardhje një reagim i tillë edhe pse ju dedikohet “DISA”mësimdhënësve , që mund të kenë problem psiqike . Por , harroi ministri , se KEDS-i e shumë kompani tjera , për çdo vit punëtorëve të tyre ua mundësojnë kontrollimin sistematik mjekësor , ndonëse natyra e punëve të tyre dallon rrënjësisht nga e arsimit dhe edukimit !

Janë shumë arsye që nuk është dashur të reagoj në këtë mënyrë ministri Bajrami . 
Ja disa prejt tyre :

– Për çdo ditë mësimdhënësi ofendohet nga nxënësit me fjalët më banale që egzistojnë .
– Për çdo ditë mësimdhënësi kërcënohet nga nxënësit në forma të ndryshme… 
– Ka raste kur mësimdhënësi grushtohet nga “nxënësi” por , për shumë arsye nuk tregon . Mjafton të shkoni në shkolla dhe të pyetni. 
– Për çdo ditë mësimdhënësi e “braktisë” punën si mësimdhënës nga këto poshtrime , kërcnime dhe grushtime , por prap vazhdon punën edhe përkundër këtyre problemeve. 
– Ka shumë raste që në shkollat e Kosovës ka nxënës me vepra penale , tentim vrasje( therrje me thikë)…! -Ka raste kur “nxënësi” ju kërkon të holla(haraç) nxënësve tjerë..

– Shumë e shumë raste të tjera , për të cilat po dua të besoj se nuk i di ministri , sepse vartësit e tij dhe drejtorët e DKA-ve e shkollave , nuk i raportojnë për t`i hy në hatër ministrit ! Ndryshe , po ti kishte pasur këto informata ministri , besoj se nuk do të kishte reaguar , për këtë mos informim mundet edhe t`i falet .

Shtrohet pyetja;

Pse nuk marrin ndonjë iniciativë me karakter edukativ ne kuadër të Ministrisë së Arsimit,Shkencës dhe Teknologjisë, për krijimin e një departmenti e ku në kuadër të këtij departamenti të jetë një grup punues i pedagogeve,psikologëve e që do të hartojnë një plan apo strategji për të dalur nga kjo gjendje ,sepse po patëm edukatë , atëherë mungesa e cilësisë në arsim nuk do të diskutohej fare . Kjo mënyrë e trajtimit , na bënë të besojmë se është duke u bërë zhurmë vetëm sa të kaloj treni dhe qetësia bie , ndërsa cilësia po mbetet thembër e Akilit .

Nëse vazhdon kështu , shumë shpejt numri i mësimdhënësve“psikopatë” do të rritet , e pastaj do të pensionohen më herët për shkak të fitimit të këtij epiteti të quajtur ARSIMTAROPATIA , normal pa dëshirën e tij…! /2L ONLINE/