Sipas një studimi të fundit, praktikimi intensiv i biçikletës mund të sjellë probleme seksuale tek meshkujt dhe tek femrat. E adhuroni shëtitjen me biçiklete, por në shtrat nuk ndiheni aq mirë sa do donit? Mos e kërkoni askund tjetër burimin e problemit tuaj.
Kërkuesit e një qendre mjekësore në San Diego kanë treguar se pedalimi i tepërt mund të jetë i dëmshëm për jetën seksuale. Kjo praktike mund të sjellë probleme me organet gjenitale tek femrat dhe çrregullime ereksioni tek meshkujt.
Tek femrat, praktikomi i tepërt i biçikletës sjell shtrëngim të perinesë e cila sjell më pas edhe probleme në jetën seksuale.
Pozicioni bazë me duart tek timoni, përgjithësisht në gjatësinë e shalës se biçikletës, shoqërohet me rritje të presionit të shalës mbi perinene dhe me ulje të ndjeshmërisë në pjesën e organeve gjenitale.
As meshkujt nuk janë të përjashtuar nga problemet.
Studime teë mëparshme kanë treguar se presioni i shalës se biçikletës shkaktonte probleme me ereksioni.
Po cila mund të jetë zgjidhja? Nuk duhet t’i mbani duart në të njëjtën lartësi me shalën e mjetit dhe mundohuni të zgjidhni një shalë me pjesë të ndërprera në mënyrë që të mos bjerë i gjithë presioni mbi perinene.
Pedalimi duhet të behet i ngadalte dhe jo për kohë tejet të gjatë.