A e konsideronte Sami Ukshini, tradhtar kreun e BDI-së Ali Ahmetin!?
Sami Ukshini i njohur si komandant “Sokoli”, i cili dyshohet se është udhëheqësi i grupit të armatosur nga Kosova të cilët morën pjesë në përleshjen e armatosur në Kumanovë kundër forcave policore maqedonase, tashmë i arrestuar, dukej se e konsideronte kreun e BDI-së, Ali Ahmetin s i ish-spiun i ish-aparatit të shërbimit të fshehtë jugosllav i njohur si “KOS” apo ndryshe siç quhej “ Kontraobaveštajna služba“.
Ai vlerësonte se shefi i BDI-së, Ali Ahmeti ishte një armik i popullit shqiptar dhe i cili i takonte ideologjisë marksist-leniniste me orientim pro rus i cili ishte kyçur në partinë e ilegalitetit Lëvizja Popullore e Kosovës (LPK) e cila ishte krijuar në vitin 1982 ku shtatë prej anëtarëve të kryesisë së kësaj partie i akuzonte se kanë qenë bashkëpunëtorë të KOSI-it jugosllav por duke mos përmendur emra.
Këto komente ai i kishte bërë në llogarinë e tij në „Facebook“ me datën 8 janar të këtij viti ku kishte shpërndarë një artikull për zhvillimin e një takimi që kishte ndodhur në mes të kreut të BDI-së, Ahmetit dhe ambasadorit amerikan në Shkup, Poll Velers. Në këto komente ai theksonte se Ahmeti partia e të cilit është pjesë e koalicionit me qeverinë e Gruevskit ishte duke punuar me prapavijë duke tentuar që t’i mashtrojnë popullsinë shqiptare në Maqedoni sa i përket procesit të anëtarësimit të shtetit në NATO dhe Bashkimin Evropian.
Komentues kanë qenë edhe dy të vrarët të grupit të armatosur Beg Rizaj dhe Mirsad Ndrecaj. Në komentet e tyre ata shprehin dëshpërim me Ali Ahmetin duke e akuzuar atë se është person i cili drejton mafinë e nëntokës një politikan i cili kishte shkatërruar idealin për çështjen kombëtare dhe i cili ka një orientim marksist-leninist i padëshirueshëm edhe nga vet shteti amerikan.
Gjithashtu Sami Ukshini ka shpërndarë në llogarinë e tij marrëveshjen kornizë të Ohrit. Është i vrari Mirsad Ndrecaj i cili ishte shprehur i dëshpëruar me realizimin e kësaj marrëveshje. “ME Ket Marrveshje jau bajm me dije Gjithe Shqiptareve qe as edhe nje pik nuk eshte realizu”