A do të kemi një turneu ndërkombëtar të gjimnastikës në Kosovë?!

Sot, ministri i Kulturës, Rinisë dhe Sportit, Kujtim Shala, priti presidentin e Confsport Italia, Paolo Borroni, i cili ishte i shoqëruar nga presidenti i Federatës Shqiptare të Gjimnastikës, Leonard Lulaj.

Ministri Shala falënderoi Paolo Borronin për vizitën dhe njëkohësisht shprehu interesimin e MKRS-së për të bashkëpunuar me Consfsport dhe Italinë, në funksion të ndërkombëtarizimit të sportit të Kosovës.

Ai e njoftoi Borronin me procesin e ndërkombëtarizimit të sportit të Kosovës, sidomos pas pranimit të Komitetit Olimpik të Kosovës në Komitetin Olimpik Ndërkombëtar.

Ndërkaq presidenti Paolo Borroni e falënderoi ministrin Shala për pritjen dhe njëkohësisht shprehu interesimin për të bashkëpunuar me Kosovën në fushën e sportit, sidomos atë të gjimnastikës.

Presidenti Borroni u interesua gjithashtu për mundësitë e organizmit të një turneu ndërkombëtar të gjimnastikës në Kosovë.