Thaçi uron Kadaren për datëlindje

“Ismail Kadare ka luajtur rol kyç në formimin estetik dhe stilistik të mbarë kombit, në lëvrimin dhe sofistikimin e gjuhës shqipe dhe në promovimin e kulturës shqiptare në botë”, ka shkruar në profilin e tij, presidenti i Kosovës, Hashim Thaçi, në urimin e tij për datëlindje të Kadaresë.

Ndryshe, shkrimtari Ismajl Kadare lindi më 28 janar të vitit 1936. Kadare ishte disa herë i nominuar për çmimin “Nobel” në letërsi.

Ja postimi i plotë i presidentit Thaçi:

Sot e ka datëlindjen gjeniu i letrave shqipe, Ismail Kadare, prandaj është gëzim i veçantë ta uroj kolosin e letërsisë shqiptare në 84 vjetorin e lindjes. Ismail Kadare ka luajtur rol kyç në formimin estetik dhe stilistik të mbarë kombit, në lëvrimin dhe sofistikimin e gjuhës shqipe dhe në promovimin e kulturës shqiptare në botë. I uroj jetë të gjatë! HTH