Numri zyrtar i kosovarëve që jetojnë në Zvicër

Siç ka bërë të ditur Sekretariati Shtetëror për Migracion në Zvicër ne vitin 2019 ka renie te shtetasve te huaj dhe në fund të marsit në Zvicër kanë jetuar 2 milionë e 090.669 të huaj. Një milion e 429.482 prej tyre janë shtetas të BE-së ose të EFTA-s dhe 661.187, të vendeve të treta.

Statistikat tregojnë se në këtë tremujor numri i shtetasve të Kosovës që jetojnë në Zvicër ka qenë 113 mijë e 482 ose 5.4 për qind e numrit të huajve. Shtetasit kosovarë janë në vendin e pestë pas italianëve, gjermanëve, portugezëve dhe francezëve.

Në kuadër të bashkimit familjar në Zvicër kanë migruar 9511 persona ose 6.6% më pak se në tremujorin e parë të vitit 2018. 20.6% të këtyre njerëzve kanë qenë pjesëtarë të familjeve të shtetasve zviceranë.

Si rezultat i lëvizjeve të shumta në Zvicër, bilanci i migrimit në krahasim me periudhën e njëjtë të vitit të kaluar tregon rritje për 3.5 për qind ose 13652 të huaj më shumë. Nga ky numër, 8481 persona kanë ardhur nga shtete e BE/EFTA, që përbën një rritje prej 4.6%. Nga vendet e treta kanë ardhur 1.8% më shumë të huaj. Në krahasim me tremujorin e parë të vitit 2017 bilanci shënon rënie prej 6.7%.