Futbollisti refuzon Kosovën, trajneri e fton përsëri

Trajneri i Kosovës, Bernard Challandes, është duke punuar vazhdimisht në rifreskimin e skuadrës, duke sjellur futbollistë të rinj në Përfaqësuesen e Kosovës.

Lojtari i radhës i cili po flitet se do të veshë fanellën e Kosovës, është talenti shqiptar i skuadrës së Sionit, Bastien Toma.

Por, futbollisti duket se ka ndarë mendjen dhe në të ardhmen do të mbrojë ngjyrat e Zvicrës. Megjithatë, Challandes po i vazhdon përpjekjet që ta sjellë atë në rradhët e Kosovës për ndeshjet kualifikuese në Euro 2020.

Kosova nën drejtimin e Challandes ende nuk e ka shijuar humbjen dhe është në rrugë të mirë për t’u kualifikuar në Euro2020, që do të ishte historike