Nënkolonel Vegim Krelani diplomoi me sukses superior në Kolegjin e Luftës së Ushtrisë Amerikane (USAWC)

Pas studimeve njëvjeçare, oficeri i FSK-së, Nënkolonel Vegim Krelani diplomoi me sukses të lartë në Kolegjin e Luftës së Ushtrisë Amerikane dhe në të njëjtën kohë mori titullin Master në Studime Strategjike të Sigurisë, në Carlisle, Pennsylvania, të Shteteve të Bashkuara të Amerikës. Nënkolonel Krelani u shpall si student superior, dëshmi e profesionalizmit dhe përkushtimit të FSK-së në përmbushje të misionit të saj.

Kolegji i Luftës së Ushtrisë Amerikane ka për qëllim edukimin dhe zhvillimin e udhëheqësve për lidership strategjik ushtarak dhe planifikimin e operacioneve të përbashkëta ushtarake ndërkombëtare. Gjithashtu, ky kolegj përgatitë oficerët në hartimin e strategjive të sigurisë kombëtare me njohjen dhe aplikimin efektiv të elementeve të fuqisë kombëtare në ruajtje të paqes dhe sigurisë në botë. Në vitin akademik 2026 në këtë program morrën pjesë mbi 370 oficerë nga SHBA-të dhe nga 77 shtete tjera nga e mbarë bota.

Diplomimi i Nënkolonel Krelanit është vlerë e shtuar në zhvillimin profesional të FSK-së, sidomos në proceset e ndërtimit të kapaciteteve të sigurisë dhe mbrojtjes. /2LONLINE/