Dy intelektual francez me libër kundër propagandës serbe

Dy intelektual francez Sebastien Gricourt dhe Gilles Pernet, kanë shkruar një libër në dy pjesë, ku kanë përfshirë dhe mbi 30 personalitet të njohura të cilët kanë paraqitur rrëfimet e tyre për Kosovën. Mes autorëve ësht edhe ish komandati i KFOR dhe EULEX IV De Kermabo. Ideja për librin dy autorëve ju lindi pas një takimi që kanë pasur me ministrin e Punëve të Jashtme të Kosovës, Enver Hoxhaj

Libri titullohet ” Rrëfime mbi ndërtimin e një shteti” që është një pasqyrë krejt tjetër me atë cfarë ka servirur propaganda serbe deri më tani, përmes financimit të autorëve të ndryshëm.

” Ideja më erdhi pas një bisede që pata me ministrin Enver Hoxhaj në Paris.Ministri kërkonte të dinte mbi imazhin e Kosovës në Francë. Pyetje e tij lidhje me daljen e vonshme të një libri në Francë, përmbajtja e të cilit shërtbente propagandën serbe.

Dy intelektual francez Sebastien Gricourt dhe Gilles Pernet, janë kujdesur që përmes botimit të një libri në vendlindjen e tyre të paraqesin gjendjen reale të zhvillimeve pas lufte në Kosovë, por edhe pas shpalljes së pavarësisë.Ata kanë treguar se iniciativa e tyre është bërë si kundërpërgjigje ndaj librit me titull “Kosova një kauzë e drejtë për një shtet mafioz”,të gazetarit francez Pierre Pean

Libri i Pean, që dyshohet se është financuar nga lobi serb, i botuar në muajin prill të vitit 2013 pasqyron funksionimin e SHIK-ut, lidhjet e kësaj strukture që pretendohet se ekzistojnë me kryeministrin aktual të Kosovës Hashim Thaçi. Aktivitetet e nëntokës në Kosovë, lufta e UÇK-së, akuzat për krime lufte dhe lidhjet e pretenduara të nëntokës me ish-kryeministrin tjetër, Ramush Haradinaj.

Librin Pean pretendon se e mbështet në raporte të inteligjencës së trupave franceze që kanë operuar në kuadër të KFOR-it në Kosovë. Ai ngrit akuza edhe ndaj shumë zyrtarëve ndërkombëtarë, përfshirë dy gjeneralët francezë Xavier Bout de Marnhac dhe Yves De Kermabon për bashkëpunim me “politikanët që janë edhe bosët e nëntokës kosovare”
Ndërsa libri Rrëfime mbi Ndërtimin e një shteti ka 304 faqe dhe gjendet në të gjitha libraritë e Francës. Në internet mund të blihet me një cmime prej 22 eurove./Tribuna/