Sot skadon afati i kandidimit për Mitrovicën e veriut

Asnjë kandidat për kryetar të komunës veriore të Mitrovicës nuk ka aplikuar për zgjedhjet e jashtëzakonshme të 23 shkurtit, raporton KTV.

Anëtari i KQZ-së, Nenad Rikalo, ka thënë për mediat serbe se ende nuk është paraqitur as një kandidat i vetëm. Zgjedhjet për kryetar të Mitrovicës veriore do të përsëriten më 23 shkurt, pasi kryetari i zgjedhur Krstimir Pantiq kishte refuzuar të bënte betimin me ligjet e Kosovës.