Ka ndërruar jetë afaristi i mirënjohur Mustafë Shala

Ka ndërruar jetë në moshën 70-vjeçare, afaristi i mirënjohur gjilanas, Mustafë Shala.

Ai ishte pronar i hotelit Kristal në qendër të Gjilanit dhe i ujit Dea, i njohur jo vetëm në tregun vendor por edhe në atë të jashtëm.

Shala përveq që ishte një ndërmarrës i suksesshëm shquhej edhe për atdhedashuri dhe humanizëm.

Përndryshe, PDK-ja e Gjilanit ka adresuar telegram ngushëllimi familjes Shala.

***

Telegram ngushëllimi

Të pikëlluar nga vdekja e z. Mustafë Shala, biznesmenit e humanistit të njohur, PDK në Gjilan, shpreh ngushëllimet e sinqerta familjarëve, miqve e gjithë komunitetit biznesor.

Mustafën do ta kujtojmë përherë për virtytet e tij të larta njerëzore e kombëtare!

U prehsh në paqe Mustafë!