Drita fiton, Gjilani barazon

Derbi i kësaj jave në Superligën e Kosovës në futboll, në mes të Dritës dhe Ballkanit i ka takuar ekipit gjilanas.

Fitorja minimale, por e vlefshme, ka bërë që epiteti i fituesit të derbit t’i takojë skuadrës bardh e kaltër dhe golin e vetëm në takim e ka shënuar Juan Mesa në minutën e 62-të të takimit.

Ishte kjo ndeshje e javës së 21-të, e Superligës së Kosovës në futboll dhe tani me këtë fitore, Drita ka grumbulluar 40 pikë, katër më pakë se Ballkani që vazhdon të jetë lider në tabelë.

Përndryshe, në kuadër ët kësaj jave, ndeshjen sot e ka zhvilluar edhe skuadra tjetër gjilanase. SC Gjlani, që ka barazuar në Drenas me Feronikelin duke luajtur pa gola.

Gjilani vazhdon të jetë në pozitën e tetë të tabelës së klasifikimit  tani me 21 pikë.

Ndërsa, në ndeshjen e fundit e luajtur sot në kuadër të javës së 21-të, Prishtina ka pësuar humbje në shtëpi nga Malisheva me rezultat 0:2.

Nesër luhen ndeshjet: Dukagjini – Liria dhe Fushë Kosova – Llapi.   /2LONLINE/