Skuadrat gjilanase në Superligë: Drita barazon, Gjilani humb

Sot janë zhvilluar tri ndeshje të xhiros së katërt të Albi Mall Superligës së Kosovës në futboll. Skuadra gjilanase, FC Drita ka barazuar me Dukagjinin me rezultat 2 – 2, ndërsa, skuadra tjetër gjilanase, SC Gjilani ka pësuar humbje ndaj kundërshtarit të fortë siç është Ballkani. Në  këtë ballafaqim epilogu i ndeshjes ishte rezultati 2 – 1.

Përndryshe, ndeshja tjetër e ditës së sotme Llapi – Prishtina ka përfunduar pa gola, rikujtojmë se të shtunën Malisheva dhe Liria kanë arkëtuar nga tri pikë pasi kanë fituar nga Feronikeli 74 përkatësisht nga Fushë Kosova.  /2LONLINE/

Java 4

Drita – Dukagjini – 2 : 2
Ballkani – Gjilani – 2 : 1
Llapi – Prishtina – 0 : 0
Malisheva – Feronikeli 74 – 4 : 1
Liria – Fushë Kosova – 2 : 1