Ballkani kampion, Dritën të dytën dhe Gjilanin të tretin do t’i shohim në Evropë

Ballkani është kurorëzuar me titullin e kampionit për edicionin e garave 2022/23 në Albi Mall Superligën e Kosovës në futboll, ndërsa skuadrat gjilanase, Dritën e Gjilanin do t’i shohin në garat evropiane, pasi kanë përfunduar në pozitat 2 e 3, të tabelës së klasifikimit.

Përndryshe, sot janë zhvilluar ndeshjet e javës së fundit (36), e ku Ballkani dhe Gjilani kanë luajtur pa gola, ndërsa Drita e ka mundur Drenicën me rezultat 3 me 1.

Ja të gjitha ndeshjet dhe rezultatet e javës përmbyllës të këtij edicioni.

Gjilani –  Ballkani  0:0
Drenica  – Drita   1:3
Trepça’89  – Prishtina 2:1
Malisheva  – Llapi  3:2
Ferizaj – Dukagjini 2:1

Ndërkohë, nga elita e futbollit kosovar, u përshëndetën Drenica e Trepça ’89 derisa në ndeshjen e barazhit për mbetje në Superligë do të luajë Ferizaj kundër skuadrës nga Liga e Parë, Lirisë.  /2LONLINE/