SC Gjilani ka përmbyllur bashkëpunimin me futbollistin Blerim Krasniqi, ai do të angazhohet te CS Mioveni rumun

Sport Club “Gjilani” njofton për mbylljen e bashkëpunimit me futbollistin Blerim Krasniqi.

Futbollisti 26-vjeçar është transferuar në elitën e futbollit rumun te ekipi CS Mioveni.

Detajet e marrëveshjes janë konfidenciale dhe nuk janë për publikun, thuhet në njoftimin zyrtar të klubit,

“Të gjithë në SC Gjilani e falënderojnë Krasniqin për kontributin e dhënë me fanellën kuq & bardh dhe i urojnë shumë suksese në karrierën e tij sportive”, përfundon njoftimi zyrtar. /2LONLINE/.