LDK-ja e Gjilanit shfaqet pak ma ndryshe, me një aksion politik para zyrës së kryetarit, ia liston atij dështimet!

Dikur, aktivistë të Lëvizjes Vetëvendosje ia zinin derën kryetarit të atëhershëm të komunës që vinte nga  LDK-ja,  me lloj-lloj aksione e performanca politike, duke përdorur kreativitetin e tyre, përmes të cilave shpërfaqnin akuzat dhe kritikat në adresë të kryetarit e pushtetit për keqqeverisje dhe punët e pabëra.

Por, tani kur anët kanë ndryshuar, në selinë e kryetarit të komunës kemi njeriun e Vetëvendosjes, e LDK-ja e Gjilanit është subjekt opozitar, kanë ndërruar edhe rolet dhe se aktivistët e LDK-së i pamë këtë të shtune në rolin e realizuesit të, siç thonë ata, aksionit politik, mu para zyrës së kryetarit, transmeton Portali 2LONLINE.com.

Ata kanë shpalosur një pano para zyrës së kryetarit, ku i kanë radhitur “punët” e bëra të kësaj qeverisje, e  me dozën e ironisë ia kanë kujtuar ‘Punët’ e kryera për 177 ditë të qeverisjes komunale, nën moto “Bashkë S’qeverisim”.

Përmes kësaj  pano kiu janë shkruar punët e bëra që nuk është dashtë të bëhen dhe punët e pabëra që është dashtë të bëhen, ata kanë adresuar kritika në adresë të kryetarit të komunës dhe pushtetit në përgjithësi, transmeton 2LONLINE.com.

Afërdita Balaj nga LDK-ja e Gjilanit ka bërë me dije se anëtarë nga grupi i këshilltarëve dhe aktivistë të LDK-së në Gjilan, përmes këtij aksioni politik kanë shpalosur “punën” e qeverisjes lokale për 177 ditë qeverisje si më poshtë: 

‘Punët’ e kryera për 177 ditë të qeverisjes komunale, bashkë S’qeverisim

ANULIMI i lejës për ndërtimin e objektit të Bashkësisë Islame
ASNJË leje ndërtimore të lëshuar për 177 ditë qeverisje
Mos ndarja e 50.000 eurove për transportuesit e Gilanit
Mosfunksionalizimi i byfesë së Bibliotekës së Qytetit
ASNJË projekt i ri inicuar
Vendosia e “KUNJAVE” nè sheshin e aytetit
TENDA vaksinimit bllokim i hapësirës publike për qytetarët
Vetëm vizita ne Pejë, Lezhë e në Spanjë
ANULIMI i PZHK-së (Plani Zhvillimor Komunal)
Shkollat pa RRYME
Mos ndarja e 100.000 eurove për sportistët e dalluar
Mbyllja e ujëmbledhësve në lagjen Dardania
Dhjetëra kontrata mbi vepër.

Përndryshe, nga aktivistë të LDK-së mësohet se ky është vetëm fillimi dhe se aktivitetet të natyrave të tilla, kritikuese ndaj qeverisjes komunale, do të shtohen dukshëm, si njëra nga mënyrat e opozitarizmit të LDK-së. /2LONLINE/